Bíómynd og bók

12. janúar 2007

Fregnir af nýrri bók og bíómynd hafa vakið áhuga minn. Sameiginlegt eiga þær að skoða Þýskaland og seinni heimstyrjöldina í óvenjulegu ljósi. Bíómyndin heitir "Mein Führer - Die wirklich wahrste Wahrheit über Adolf Hitler" (imdb) sem mætti útleggja sem "Foringinn — hinn virkilega sanni sannleikurinn um Adolf Hitler" og var frumsýnd í Þýskalandi í gær. Í henni er gert stólpagrín að Hitler, nokkuð sem ég held að ekki hafi áður verið gert í þýskri bíómynd. Hægt er að skoða trailer Mein Führer á YouTube.

The Book ThiefBókin heitir The Book Thief og er eftir Markus Zusak. Kaldhæðin saga um munaðarlausa stúlku í Þýskalandi í seinni heimstyrjöldinni — sögumaðurinn er Dauðinn. Fjölda góðra ritdóma er að finna um hana á Vefnum og ég er nú þegar búinn að setja hana á pöntunarlistann minn hjá Amazon. Rótina að bókinni sagði Markus í viðtali á BBC vera sögur móður hans frá seinni heimstyrjöldinni í Þýskalandi og hvernig þær gáfu honum allt annað sjónarhorn á heim sögusviðsins. Til dæmis hvernig móðir hans var sett í hitlersæskuna en ákvað eftir fyrsta daginn, sem fól í sér endarlausar æfingar á gæsagangi, að skrópa framvegis.

Vídeó og Bækur


2 ummæli við „Bíómynd og bók“

  1. Árni ritaði:
    13. janúar 2007 kl. 10.59

    Hvort tveggja hljómar áhugavert. Ég er einmitt með eina mynd um Hitler sem stendur til að horfa á fljótlega: Der Untergang. En ég held ekki að það sé neitt fyndið við hana.

  2. Örvar svaraði:
    14. janúar 2007 kl. 2.36

    Já, ég hef ekki séð Der Untergang. Það var einhver styr um hana í Þýskalandi í fyrra hitteðfyrra þar sem hún sýndi Hitler í nokkuð persónulegu ljósi, sem mannveru en ekki skrýmsli. Nú er að sjá hvort þjóðverjar geti hlegið að honum.