Rýrnun fés

17. ágúst 2008

Tékkareikningar eru með c. 11% vöxtum en núna er 13,6% verðbólga sem fer hækkandi. Prósentumunurinn þýðir að fé manns rýrnar. Þegar ég athuga málið býðir bankinn ekki upp á neinn reikning með hærri ávöxtunarprósentu en nemur núverandi verðbólgu og þeim verðtryggðu reikningum sem bjóðast fylgir því sú kvöð að maður bindi féð í þrjú ár.

Þessa dagana borgar sig semsagt eiginlega ekki að geyma féð sitt í banka. Skást er líklegast að nota allt aukafé til að greiða inn á lán því verðbólgan leikur þau grátt. Það er eflaust besta "ávöxtunin" sem maður fær.

Ps. Glitnir spáir 14,8% verðbólgu í ágúst og svo meiri hækkun í september.