Örvamælir

curl -IL bi.is er bara orðin ágætis skemmtun fyrir tölvunörda

Ég náði að taka nokkrar myndir fyrir 24hrs of flickr — eftirfarandi þrjár eru skástar, sú efsta var framlag mitt til hópsins.

Capture

Lesa restina af færslunni »

Í gær gekk ég rúmlega 30 113 km. yfir sjö fjöll á rúmlega 11 klst. (08.15 til 19.25). Í dag er ég þreyttur.

Viðbót: Fyrir gönguna hafði ég litlar upplýsingar um leiðina og um morgunin þegar ég sá hversu veðrir var leiðinlegt þá hvarflaði að mér að fara einungis í 4-fjalla gönguna (þá eru aðeins gengið á fjögur seinustu fjöllin). Gönguskórnir og almennilegur hlíflarfatnaður urðu eftir á Íslandi og því var ég klæddur íþróttagalla og strigaskóm. Hefði ég ætlað að fara í 4-fjalla gönguna þá hefði ég þurft að bíða til kl. 9. Upp úr hálf átta labbaði ég inn í bæinn og keypti miða í gönguna hjá Bergen-Turlag. Á leiðinni mætti ég nokkrum rútum af göngufólki á leið að startlínunni öllu vel búnu en áður en ég fór sjálfur upp í rútuna sem færi með mig rásmarkinu þá sá ég einn annan gaur í strigaskóm svo mér leið aðeins betur með það að vera svona illa búinn.

Rásmarkið

Lesa restina af færslunni »

Gaddafi hershöfðingi tilkynnti í kvöld að Líbýa ætli að eyða og hætta þróun gjöreyðingarvopna. Þessi ákvörðun kemur í framhaldi af samningarviðræðum við Breta og Bandaríkjamenn sem hófust fyrir 9 mánuðum. Frumkvæðið kom þó frá Líbýumönnum í framhaldi af viðræðum vegna Lockerbý-slyssins. Líbýa á mikið af efnavopnum og var nærri því að útbúa kjarnorkuvopn en hefur áhuga á að verða hluti af alþjóðasamfélaginu og líklega hefur innrásin í Írak haft áhrif.

Ps. frétt um málið er nú komin á Sky News … Blair með fréttamannafund … Bush með fréttamannafund … frétt á Reuters … tilkynning komin á CNN … loksins frétt á Mbl.is (undarlegt að Ríó Ferdinand þykir þó merkilegri frétt).

Fyrir nokkrum árum rak ég ásamt tveimur félögum fyrirtækið Onus sf. Við bjuggum til þrívíðar tölvuteikningar, aðallega fyrir verkfræði- og arkitektastofur. En ýmislegt annað áhugavert kom inn á borð til okkar. Okkar helsta tól var 3D Studio MAX frá AutoDesk (held við höfum verið fyrsta íslenska fyrirtækið til að kaupa það forrit og nota löglega). Óteljandi klukkustundir fóru í að teikna hina ýmsu hluti með víragrindum og bíða svo eftir að tölvurnar „framkölluðu“ útkomuna.

Lesa restina af færslunni »

Eftirfarandi frétt í Fréttablaðinu í dag með yfirskriftinni Hætt við ljóðakvöld vakti athygli mína:

Yfirvöld í Hvíta húsinu hafa hætt við ljóðakvöld þar sem þau óttast að það snúist upp í mótmæli gegn fyrirhuguðum árásum á Írak. Laura Bush, forsetafrú, hafði skipulagt kvöldið en þar áttu meðal annars að koma fram Emily Dickinson, Langston Hughes og Walt Whitman. Nokkur skáldanna höfðu gefið til kynna að þau myndu mótmæla árásunum á Írak.
… [Fréttablaðið 31. jan. 2003 bls. 24, leturbreyting mín]

Emily Dickinson og Walt Whitman létust nefnilega á miðri 19. öld og Langston Hughes áður en ég fæddist svo ég efast um að þau hefðu haft uppi mikil mótmæli.

Á moggavefnum er frétt um míníkýr sem Bandaríkjamenn hafa ræktað. Ég velti fyrir mér hvort kannski væri 1. apríl en ekki 1. okt.

http://www.minicows.com

Utanríkisráðherra Talibana reyndi að vara Bandaríkin og SÞ við fyrirhugaðri árás al-Qaeda (frétt í The Independent).

Ég heyrði þessa frétt um daginn (man ekki hvar) - en finnst hafa farið lítið fyrir henni í fréttamiðlum.

Stuðningsfélög Palestínu á Norðurlöndum hvetja til þess að menn sniðgangi ísraelska vöru frá og með 14. sept. (sjá frétt á moggavefnum).

Ég verð að játa að þegar ég las þetta þá kom mér bara til hugar ein vara (Jaffa-appelsínur) sem ættuð væri frá Ísrael. Svo ég fór á netið og fann þennan lista.
Lesa restina af færslunni »